من قصائدى القليله التى كتبتها بالعاميه
أسف حبيبى
أسف حبيبى مش هقدر فى يوم أنساك
وأكتم نبض إحساسى وأقول أسلاك
دا قلبى وعمرى وكيانى فى حلم لقاك
دنا أنسى نفسي وكيانى ولا أقدر فى يوم أنساك
أنسي
أنسي شوقى والحنين
ولا العشره والسنين
دا كل لحظه فى حبى معاك
حلم يطير من غير جناحين
يجمع كل معانى الدنيا
فى كلمه واحده من حرفين
حبك قلبى مالك ذاتى
ومالى عليا كل حياتى
إزاى أفضل ليك مشتاق
وعينى بتبكى من الأشواق
وأنت كده فى البعد سايبنى
لنار وحيره وليل وفراق
هو علشان القلب شاريك
تعمل كده فى نجوم لياليك
تأسي عليها وتهجرها
بكره تيجى والوجد ماليك
حبيبى كل كلمه قولتهالك
كل فكره حلمتهالك
كل ضحكه ولحضه معاك
بتقول أجمع من طيفك ذكرى
وأعيش حبى بروحى معاك
فآسف حبيبى مش هقدر فى يوم أنساك
قلمى
محمد عبدالفتاح شاعر أرهقه الأمل
محمد عبدالفتاح شاعر أرهقه الأمل
ليست هناك تعليقات:
إرسال تعليق