دخن عفر يا مسكين ...... للشاعر المبدع / شرف أحمد عبدالناصر

قصيدة ( دخن عفر يا مسكين ) باللغة العامية
..........................................
دخن عفر يا مسكين
عقلك ولى وراح على فين
..............................
دخن عفر أصلك عايش
مش دريان بالعيشة سنين
..............................
تضرب تقلب كلك خيبة
دا انت هتفطس ف دقيقتين
..............................
مش هتوب من شرب سجاير
يلا يا راجل يلا الحين
..............................
افهم واوعى لنفسك دايما
واعرف رايح بيها لفين
..............................
كل سيجارة تهد ف عمرك
وانت شايلها ف نن العين
..............................
انفخ عفر بردك عيل
بعد فطامه يئن أنين
..............................
أرضع وافرح يمكن بكرة
تفرش بيتك وحل وطين
..............................
عيل ... لأ دا العيل أعقل
راجل بس بعقل جنين
..............................
انفخ يلا بسرعة وزمر
يمكن تفلح ف التلحين
..............................
دخن وانسى أوامر دينك
واهدم فيها ليوم الدين
..............................
دخن عفر ولأولادك
اعمل يلا بسرعة كمين
..............................
مين هيصدق وعظ تقوله
وانت حياتك في سيجارتين
..............................
انفخ دخن عفر زمر
والأولاد ف البيت جعانين
..............................
مش هتلاقي لنفسك خيبة
زي سيجارة أو عقبين
..............................
مش هتلاقي لقلبك بلوى
زي الهانم ف الدكاكين
..............................
قلت وكل كلامك فاضي
ما يقولهوش للناس مجانين
..............................
قلت حرام بنولع فيها
لو دي حلال محتاج نفسين
..............................
راجل يا بني بمعنى الكلمة
جبت الخيبة أوام دي منين
..............................
فكر واعقل وافطم نفسك
عمرك عدى خلاص سنتين
..............................
من أشعار 
شرف أحمد عبدالناصر