## كتبت هذه الكلمات قبل الحادث الارهابى الاخير
بساعات قليله #####
## راكب حصانه###
وابوجهل راكب حصانه
وبدر كات الحدث
والتلتميه وافقين
ولا صايبهم وهن
وابوبكرماسك سيف
ومصعب شايل كفن
وعلى افتكر الفراش
وقريش معاهاابولهب
وانا متخيل نفسى
وافق مبين لتنين
عقلى يقولى هبل
وقلبى يقولها امين
لسعتها كنت كافر
ولا صف المؤمنين
ياقريش دا ابنكم
يا محمد انا مين
لعمرى كنت صالح
ولا من الضالين
بشرب الخمر ايوه
دا لسه متحرمش
معمر وئد بناته
ومعاك اهو مكفرش
والملحمه بدت
معرفش ليه مهربش
والسيف بايدى انا
وطا وقال محربش
يامحمد كنت كافر
مبو طالب رباك كافر
ولا ليه هعافر
منا عشت وشفت داعش
بيكبروا برضوا
هو الاسلام غريب دا يما
يسيب ارضو
مش سبت مكه يانبى
هيا المدينه غريبه
ولا كلها بلاد الله
طاب الكافر كان دينك عليه غريب
انما اللى امن
يقتل باسم الله اكبر
سعتها يوم بدر
انا كنت متكبر
انى اسيب العزه
والات بيستحمر
اقوله دينك ضاع
يقولى كان اشطر
هفضل فى كل نفس
ليابس ولا اخضر
ومعاك ليوم الدين
يفضل م المسلمين
كافرين ودا مقدر
ليست هناك تعليقات:
إرسال تعليق