((( كلام خوجات )))
وادى طلعه أمريكانى
الوش شكل تانى
وكلامهم مش عاجبنى
ولاعاجب حد تانى
من غيظى ياناس منهم
بجز على سنانى
أقولها باليابانى وبكل اللغات
مع أن العربى بتاعى
واضح من سكات
علشان العم سام
أبو برنيطه وأفرول
ركب الفرس بتاعه
وماسك فى أيده ساطور
نازل فرد وحركات
وكلامه مش مبلوع
بيقول عشر كلمات
ونازل بدراعه تشويح
الوضع مش مريح
كله أهانه وتجريح
والناس أصحاب الحق
واقفين فى مهب الريح
ياشيخ ربنا الغالب
ويارب نستريح
هى القدس كانت بتعتك
أوحتى قريبة خلتك
أوبتناديها بطنطك
مكفايه أخترعات
وفرد عضلات
ملكش حاجه فيها
تملكها للخوجات
صهاينة أيه ياعم
قرفتونا أشتغالات
مش ملكك عشان تبيع
يامرعب يافظيع
وتعمل علينا حورات
كلكم مغتصبين
لحقوق الفلسطنين
والمسلمين أجمعين
قعدين مرحرحين
نص منهم نايم
والباقى منكسرين
تحس أن عليهم زله
يدعوا ونقول آمين
عمال تفاوض فيهم
لعيون موشى وكوهين
ولانافع معاكم كلام
وكلامكم كله شين
أمتى تغوروا فى دهيه
كان قدمكم قدم الطين
كلمات/محمودصلاح السيد
7/12/2017
ليست هناك تعليقات:
إرسال تعليق